نكت جزائرية مضحكة

نكت جزائرية مضحكة أجمل النكت الجزائرية الجديدة و القديمة تموت من الضحك نكت عامة جزائرية متجددة

قارة إفريقيا

كاين واحد الراجل أموشم قارة إفريقيا على كرشو, أيا واحد الخطرة مرض من كرشو و باقية تسطر عليه بزاف
أداووه مسكين حاصل للسبيطار, كي لحق عند الطبيب, كسلوه فوق السرير و من بعد سقساه الطبيب:
واش بيك ؟
قالو المريض: أأأأأه ه ه... كرشي دوكدور دايرا في.. حالة
نحالو الطبيب لقمجة و بدا يقلب فيه و من بعد سقساه:
وين تحس بالسطر إكزاكت ؟
قالو المريض: حدا الزيمبابوي

اكلة باللحم و صحن من الفول

قالك زوج دخلوا للمطعم واحد غني و الخر فقير الغني طلب اكلة باللحم والفقير طلب صحن من الفول ايا الفقير بدا ياكل بسرعة شاف فيه الغني و قالوا قول بسم الله باش ما يكلش معاك الشيطان دار عندوا الفقير وقالوا واش بيك الشيطان يخلي اللحم و يجي ياكل الفول

دوا يرجع العجوز شابة

قالك واحد الولد جا خارج للخارج(مسافر للخارج) قالت لو يماه رنا سمعنا بلي فالخارج كاين دوا يرجع العجوز شابة مادابيك تبعث لنا منو شوية قالها مايكون غير خاطرك إوا منين خرج للخارج بعث لهم هذا الدواء بعد مدة ارجع للدزاير لقى دارهم يستانوه فالمطار بصح ماعرفهومش قالت لو يماه واش بيك اوليدي ماعرفتنيش؟؟ قال لها والله ماعرفتك وزيد هذا البيبي لي راكي رافداتو منين جبتيه !!! قالت لو ياوليدي هذا باباك ضرب الباصا كاملة

اغنية التيتانيك

قالك مرة سائق الحافلة دار اغنية التيتانيك
ايا بداو الركاب ينقزوا (يرمون انفسهم خارج الحافلة) حسبوا الbus راح يغرق

إعلانات موقع النكت

جزائري لقى وحدة مصرية

قالك واحد جزائري لقى وحدة مصرية قالها واش مدايرا في حياتك
قالتلوا :انا بقرا في الكلية
قالها :انا ثور في السوناطراك (شركة بترول جزائرية)

كبش العيد

وحد الخطرة وحد السيد اشرى كبش العيد قبل عيد الاضحى بشهرين امالا كانت
العائلة كلها تدلل فيه وتلعب معاه حتى انه ياكل معهم و ينام معاهم في
المنزل و عشية عيد الاضحى راح الكبش جبد روحو على العايلة و بدى يبكي جات
العايلة سالتو واشبيك تبكي قالهم " قعدنا بلا عيد الناس اكل شراو الكباش
غير احنا "

راجل كبير في العمر

راجل كبير في العمر قالولو: وآش عامل فيك رمضان يا الحاج
قاللهم كون مش من رشفة الوضوء العبد يموت مالعطش

إعلانات موقع النكت

واحد موش شباب

واحد موش شباب كيراح يشوف روحو في المرايا كتبتلو: نعتذر عن الصورة....

علاش إخترتني أنا بالذات

رمى لها الرقم في ورقة!!
أخذت الرقم و إتصلت به في الليل،
أول سؤال.. علاش إخترتني أنا بالذات من بين البنات الكل إلي في الشارع؟
جاوبها و بكل شجاعة !!
على خاطر حسيتك طفلة رزينة و ما تديش نيميروات الأولاد في الزنقة!
و طبعا هي فرحت بززاف الجايحة و قالتلو
و أنا ديت النيميرو تاعك خاطر بنتلي متربي و ما تتتبلاش البنات في الزنقة و راجل !!
..... المهم ....
الشيطان عينيه دمعت على خاطر قلبو الصغير لم يتحمل هذه البراءة و الصدق

وشي هذا اللي في عينيك

واحد العجوز لقات مرا دايرة ماكياج زرق في عينيها
قاتلها يا بنتي وشي هذا اللي في عينيك
الطفلة قاتلها
la mode هذي يا الحاجة وسمها
قاتلها الحاجة : وهذا لامود مالقا وين
يضربك ضربك في عينك ؟

الإبتسامة في وجه أخيك صدقة

دخلت المسجد صليت و بعد الصلاة سمعت درس تاع الإمام حول حديث
..
الإبتسامة في وجه أخيك صدقة.. قلت و الله نطبقها..
و أنا في طريقي للدار تبسمت لواحد جايز عليا قالي : واش ياخو تعرفني؟ شبهتني واقيل؟
طلعت للدار لقيت خويا تيريت عليه ابتسامة :قالي ايلا في بالك الفيستا الجديدة ديالي غير نحيها من بالك
قلت و الله لا خير غير فالوالدين.. دخلت الكوزينة لقيت يما تعجن شافت فيا تبسمت معاها قالتلي : غير ما توريليش سنيناتك والله ماعندي دورو غير شوف مع باباك
رحت لبابا لقيتو يقرا فالجرنال شاف فيا تبسمت معاه قالي: واش درت يا المسخوط أهدر علابالي راك دايرها قد راسك

غبي عجبتو طفلة

واحد غبي عجبتو طفلة
سقساها : كيفاش اسمك ؟!
قاللو : مدموازال سارة !
...قالها : واش معنتها مدموازال ؟!
قالتلو : يعني مازال مازوجتش !
قالها :
نعرفك بروحي معاك مدموازال ساعد

واحد الشايب مريض قريب يموت

-قالكم مرة كاين واحد الشايب مريض قريب يموت وهو على الفراش عيط لاولادو باه ينصحهم وقالهم كل واحد يجيب معاه عصا صغيرة

ايا
دارو عليه ولادوا وجابوا معاهم العصي عطا الشايب لواحد من ولادو 2 عصيات
وقالوا كسرهم ايا ولدوا حكم كسرهم زاد عطالو 3 زاد كسرهم وبقى يزيدلوا حتى
وصل
ل 9 عصيات قالوا هاك كسرهم قالك حكمهم الطفل هذاك زاد كسرهم !!!شاف فيهم
باباهم وقالهم: روحوا يا ولادي مدام معاكم الجحش هذا ما نخافش عليكم

يسكن في القرية دا الباك

واحد يسكن في القرية دا الباك وباه يروح للجامعة خاف
يضحكو عليه قالتلو أمو روح برك النهار اللول يضحكو عليك والنهار الثاني
يضحكو عليك والنهار الثالث توالف وتروحلك العقدة قالها : مالا حتى النهار
الثالث

واحد كان ميت با الجوع

قالك واحد النهار واحد كان ميت با الجوع
جاز على واحد الدار بقا يسمع مع التاقة
كول كول والله غير تاكل... وهو ميت با الجوع نقز مع التاقة زدم عليهوم لقاهوم يلعبو
فالدامة

الصفحات